لاہور: ایف آئی اے نے سابق وزیر اعلیٰ پنجاب پرویز الہٰی کو منی لانڈرنگ مقدمے میں گرفتار کر لیا۔

ایف آئی اے کی ٹیم پرویز الہٰی کو لے کر ضلع کچہری روانہ ہوگئی جہاں ایف آئی اے حکام پرویز الہٰی کے جسمانی ریمانڈ کی استدعا کریں گے۔

اس دوران، چوہدری پرویز الہٰی کی طبعیت خراب ہوئی جس پر سروسز اسپتال کے ڈاکٹروں نے تفصیلی معائنہ کیا اور معائنہ کرنے کے بعد ڈاکٹرز نے انہیں صحت مند قرار دیا۔ صحت مند قرار دیے جانے کے بعد ایف آئی اے نے حراست میں لے لیا۔

مزید پڑھیں؛ پاناما اسکینڈل میں چوہدری پرویز الہٰی، مونس الہٰی کی کمپنیوں کا بھی انکشاف

پرویز الہٰی کی ضلع کچہری میں پیشی کے دوران پولیس نے میڈیا کو کوریج سے روک دیا گیا جبکہ میڈیا نمائندگان کو کمرہ عدالت جانے سے بھی روک دیا۔ میڈیا کو عدالت کی راہداریوں سے بھی کھڑے ہونے سے روک دیا گیا۔

واضح رہے کہ منی لانڈرنگ اور پاناما کیس میں ایف آئی اے کی ٹیم چوہدری پرویز الہٰی کو گرفتار کرنے کے لیے کیمپ جیل پہنچی تھی۔

پاناما اسکینڈل میں چوہدری پرویز الہٰی اور مونس الہٰی کی کمپنیوں کا بھی انکشاف ہوا تھا۔ مونس الہٰی تحقیقات کے خوف سے پہلے ہی ملک سے فرار ہے۔