اسلام آباد: بین الاقوامی مالیاتی فنڈ ( آئی ایم ایف) نے کہا کہ قرض کی جلد بحالی کے لیے پاکستانی حکام سے بات چیت جاری ہے۔

آئی ایم ایف مشن چیف ٹو پاکستان ناتھن پورٹر نے بیان میں کہا کہ گزشتہ چند روز کے دوران پاکستان نے پالیسیوں کو معاشی اصلاحات کے پروگرام کے مطابق لانے کے لیے فیصلہ کن اقدامات کیے جن میں آئی ایم ایف کے تعاون سے اقتصادی اصلاحات  کے پروگرام کے میں پارلیمنٹ کی طرف سے بجٹ کی منظوری شامل ہے جو ٹیکس کی بنیاد کو وسیع کرتا ہے اور اعلیٰ سماجی اور ترقیاتی اخراجات کے لیے مالیاتی اسپیس بڑھاتا ہے

جوناتھن پورٹر کا مزید کہنا تھا کہ آئی ایم ایف کی ٹیم اور پاکستانی حکام کے درمیان مذاکرات جاری ہیں جن کا مقصد آئی ایم ایف سے مالی معاونت کے معاہدے پر جلد پہنچنا ہے۔

انہوں نے کہا کہ پاکستان نے زرمبادلہ کی منڈی کے کام کو بہتر بنانے  اور افراط زر اور ادائیگی کے توازن کے دباؤ کو کم کرنے کے لیے مالیاتی پالیسی کو سخت کرنے کے اقدامات کیے ہیں۔