اسلام آباد:  قومی اسمبلی اجلاس میں مولانا عبدالاکبر چترالی نے انکشاف کیا کہ پارلیمنٹ لاجز میں منشیات کا استعمال ہو رہا ہے۔

رکن قومی اسمبلی مولانا اکبر چترالی نے بجٹ اجلاس کے دوران کہا کہ اپوزیشن لیڈر کی نشست صبح سے خالی ہے، یہاں بجٹ پاس ہو رہا ہے اور ایوان کی حالت دیکھ لیں.۔

انہوں نے تنقید کرتے ہوئے کہا کہ کہاں گیا لیڈر؟ یہاں 25 کروڑ عوام کے لیے بجٹ منظور ہو رہا ہے۔ انہوں نے کہا کہ منشیات کا استعمال یونیورسٹی اور کالجز کے بعد اب اسکولوں میں پہنچ گیا ہے، پارلیمنٹ لاجز اور اس کے اطراف میں بھی منشیات کا استعمال ہوتا ہے۔

مولانا اکبر چترالی نے کہا کہ ایک روز اپنے لاجز میں جا رہا تھا بدبو کی وجہ سے ناک بند کرنا پڑی۔ رکن قومی اسمبلی علی گوہر بلوچ  نے کہا ہے مولانا اکبر چترالی نے غیر متعلقہ باتیں کیں اس طرح کی باتیں کرکے لاجز کو بدنام نہیں کرنا چاہیے کیونکہ وہاں ایسا کچھ نہیں ہورہا۔

No comment

Leave a Reply

Your email address will not be published. Required fields are marked *